ຜົນງານ ແລະ ກຽດຕິຄຸນ

 ໄດ້ຮັບຫລຽນໄຊແຮງງານຊັ້ນ 1

ການພັດທະນາເສດຖະກິດ - ສັງຄົມ ໄລຍະ 3 ປີເພີ່ມຂຶ້ນສະເລ່ຍ 8,2%

ໃນວາລະການດຳເນີນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII ທີ່ໄຂຂຶ້ນ, ໃນ ຕອນເຊົ້າ ວັນທີ 8 ກໍລະກົດ 2013 ເປັນກຽດເຂົ້າຮ່ວມຂອງພະນະ ທ່ານ ຈູມມາລີ ໄຊຍະສອນ ເລຂາທິການໃຫຍ່ ປະທານປະເທດ ແຫ່ງ ສປປ ລາວ, ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ,ພ້ອມບັນດາການນຳ ພັກ - ລັດ, ບັນດາສະມາຊິກສະ ພາແຫ່ງຊາດ ໄດ້ຮັບຟັງ ແລະ ພ້ອມກັນປະກອບຄຳເຫັນຢ່າງກົງໄປກົງມາ ຕໍ່ຜົນການຈັດຕັ້ງປະຕິບັດ ແຜນພັດທະນາ ເສດຖະກິດ - ສັງຄົມ 5 ປີ ຄັ້ງທີ VII (2011-2015) ໄລຍະເຄິ່ງສະໄໝ ຂອງລັດຖະບານ ທີ່ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ຕາງໜ້າໃຫ້ຄະນະລັດຖະບານ ຂຶ້ນລາຍງານ.

 ທ່ານນາຍົກລັດຖະມົນຕີ ໄດ້ລາຍງານໃຫ້ຮູວ່າ: ຕະຫລອດໄລຍະສົກປີ 2010-2011, 2011-2012 ແລະ 2012-2013 ເສດຖະກິດແຫ່ງຊາດໄດ້ເຕີບໂຕຢ່າງຕໍ່ເນື່ອງ, ທັງມີຄວາມໝັ້ນທ່ຽງໂດຍພື້ນຖານ, ລວມຍອດຜະລິດຕະພັນພາຍໃນ ເພີ່ມຂຶ້ນສະເລ່ຍ 3 ປີ ບັນລຸ 8,2%, ສະເລ່ຍຕໍ່ຫົວຄົນໄດ້ປະມານ 1.500 ໂດລາສະຫະລັດ. ໃນສົກປີ 2012-2013, ອັດຕາເງິນເຟີ້ເໜັງຕີງ ໃນລະດັບທີ່ ຄວບຄຸມໄດ້, ຄັງສຳຮອງເງິນຕາຕ່າງປະເທດສາມາດ ກຸ້ມການນຳເຂົ້າໄດ້ບໍ່ຫລຸດ 5 ເດືອນ; ການລົງທຶນລວມໃນທົ່ວສັງຄົມບັນລຸໄດ້ 85 ພັນຕື້ ກວ່າກີບ ເທົ່າກັບ 67,05% ຂອງແຜນການ 5 ປີ, ລາຍຮັບງົບປະມານ ບັນລຸ 41 ພັນຕື້ກວ່າກີບ ກວມ 19,6% ຂອງລວມຍອດ ຜະລິດຕະພັນພາຍໃນ, ສ່ວນລາຍຈ່າຍງົບປະມານປະຕິບັດໄດ້ 47 ພັນຕື້ກວ່າກີບ ກວມ 22,2% ຂອງລວມຍອດຜະລິດຕະພັນພາຍໃນ ແລະ ການຂາດດູນງົບປະມານ 2,50% ຂອງລວມຍອດ ຜະລິດຕະພັນພາຍໃນ.

ຕໍ່ກັບຜົນສຳເລັດຂອງແຕ່ລະຂະແໜງ ທ່ານນາຍົກລັດຖະມົນຕີ ໄດ້ຍົກໃຫ້ເຫັນວ່າ: ຂະແໜງກະສິກຳ ແລະ ປ່າໄມ້ ເພີ່ມຂຶ້ນ 2,9% ຕໍ່ປີ ກວມ 25,5% ໃນໂຄງປະກອບ ເສດຖະກິດແຫ່ງຊາດ, ເດັ່ນກວ່າໝູ່ແມ່ນສາມາດກຸ້ມຕົນເອງດ້ານ ສະບຽງອາຫານ, ທັງມີສ່ວນແຮໄວ້ ແລະ ສົ່ງອອກຈຳນວນໜຶ່ງ. ພ້ອມກັນນັ້ນ ການປູກພືດອຸດສາຫະກຳ ແລະ ການລ້ຽງສັດ ກໍ່ມີການຂະຫຍາຍຕົວດີ. ຂະແໜງອຸດສາຫະກຳ ເປັນຕົ້ນແມ່ນຂົງເຂດພະລັງງານ ແລະ ບໍ່ແຮ່ ໄດ້ຂະຫຍາຍຕົວໄວສົມຄວນ, ສະ ເລ່ຍ 13,7% ຕໍ່ປີ ກວມເອົາ 30,3% ໃນໂຄງປະກອບເສດຖະກິດແຫ່ງຊາດ, ອັນໄດ້ປະກອບສ່ວນສ້າງລາຍຮັບ ແລະ ພັດ ທະນາທ້ອງຖິ່ນດີຂຶ້ນກວ່າເກົ່າ ເດັ່ນກວ່າໝູ່ ແມ່ນ ອຸດສາຫະກໍາປຸງແຕ່ງສະບຽງອາຫານ, ກາເຟ, ເຄື່ອງດື່ມ ແລະ ວັດສະດຸກໍ່ສ້າງ ແລະ ອື່ນໆ, ໃນນັ້ນ ສະເພາະການຜະລິດໄຟຟ້າ ສະເລ່ຍເພີ່ມຂຶ້ນ 18,80% ຕໍ່ປີ ໄດ້ຂະຫຍາຍຕາໜ່າງໄຟຟ້າອອກສູ່ຊົນນະບົດ ເຂດຫ່າງໄກ ສອກຫລີກທຸລະກັນດານ ຊຶ່ງປະຊາຊົນໄດ້ ຊົມໃຊ້ໄຟຟ້າກວມ 85% ຂອງຄົບຄົວ ລື່ນແຜນການ 5 ປີທີ່ວາງອອກ. ສ່ວນຂະແໜງການບໍລິການ ເຫັນວ່າ ມີທ່ວງທ່າຂະຫຍາຍຕົວ ດີທີ່ສຸດ ກາຍເປັນຕ່ອງໂສ້ຍູ້ໜູນການຜະລິດ ແລະ ການຈຳໜ່າຍ ຊຶ່ງໄດ້ເຕີບໂຕ 8,6% ຕໍ່ປີ, ກວມ 44,2% ຂອງໂຄງປະກອບເສດ ຖະກິດແຫ່ງຊາດ.

ອັນສຳຄັນກວ່າໝູ່ ແມ່ນພື້ນຖານໂຄງລ່າງຄົມມະນາຄົມທາງບົກ ແລະ ທາງອາກາດ ໄດ້ຮັບການປັບປຸງ ແລະ ກໍ່ສ້າງ ໃໝ່; ສະຖາບັນການເງິນ, ທະນາຄານ, ຕາໜ່າງການຄ້າ, ການທ່ອງທ່ຽວ, ຜູ້ປະກອບການ ແລະ ຕະຫລາດຂະຫຍາຍຕົວກວ້າງ ອອກທຸກໆຕົວ ເມືອງ ແລະ ຊຸມຊົນ. ປະກົດການອັນໃໝ່ ແມ່ນໄດ້ສ້າງຕັ້ງຕະຫລາດຫລັກຊັບລາວຂຶ້ນ ຊຶ່ງໄດ້ຮັບຜົນສຳເລັດໃນ ເບື້ອງຕົ້ນ ໃນການລະ ດົມທຶນທົ່ວສັງຄົມ ເຂົ້າໃນການສ້າງສາບ້ານເມືອງ ນອກນັ້ນ ຍັງໄດ້ເອົາໃຈໃສ່ການແກ້ໄຂຄວາມທຸກຍາກ ການຈັດຕັ້ງປະຕິບັດ 9 ເປົ້າໝາຍສະຫັດສະວັດດ້ານການພັດທະນາ ແລະ ອື່ນໆ.

( ອ້າງອີງຂໍ້ມູນ ຈາກ website:  http://www.na.gov.la ) ເວັບໄຊ ສະພາແຫ່ງຊາດ. 

LOGO

What is BuyCountry.com?

With the support of ASEAN-Japan Centre, this B2B portal, operated by Trade Promotion Organization of each ASEAN country, serves as a single gateway linking between Japanese buyers and ASEAN exporters & manufacturers

ຈຳນວນຜູ້ເຂົ້າຊົມ

ມື້ນີ້ມື້ນີ້38
ມື້ວານນີ້ມື້ວານນີ້55
ອາທິດນີ້ອາທິດນີ້141
ເດືອນນີ້ເດືອນນີ້1238
ລວມທັງໝົດລວມທັງໝົດ24474